Nadakpan sa hiniusang operasyon sa kapulisan ang No. 2 Most Wanted Person sa BARMM ug No. 1 Most Wanted Person sa Maguindanao del Sur nga si Muslimin Amilil sa Barangay Tukanalipao, Mamasapano niadtong Hulyo 21 niining tuiga. Giila ang suspek nga nalambigit sa pagpamusil sa mga pulis sa Shariff Aguak niadtong Marso 2026.
Sumala sa Maguindanao del Sur Police Provincial Office (MDSPPO), si Amilil, adunay daghang warrant of arrest alang sa mga kasong murder, frustrated murder, attempted murder, robbery ug double murder with multiple frustrated murder. Ang ubang kaso batok kaniya, wala’y girekomenda nga piyansa.
Human sa iyang pagdakop, gidala una ang suspek sa hospital alang sa medical examination sa dili pa gitugyan sa Mamasapano Municipal Police Station. Matod pa ni Maguindanao del Sur Provincial Director PCOL Michael John Mangahis, ang maong operasyon, nagpakita nga nagpadayon ang kapulisan sa pagpatuman sa balaod ug pagpangdakop sa mga responsable sa mga insidente sa kapintasan.
Photo Courtesy: Rahib Bansao
