Nagpahigayon ang Lanao del Norte Police Provincial Office (LDN PPO) og duha ka adlaw nga capacity building workshop niadtong Hulyo 19–20 sa Camp Major Eduardo J. Gallego sa Tubod, Lanao del Norte aron mapalig-on ang conflict-sensitive policing ug ang inklusibong pagsulbad sa rido ug mga panaglalis sa yuta.
Sumala pa, ang kalihokan kabahin sa pagsaulog sa 31st Police Community Relations Month ug gipangunahan ni Provincial Director PCOL Leo De Leon Sua, diin gitambongan kini sa mga Chief of Police sa 22 ka lungsod, LDN PPO personnel, mga relihiyosong lider, Ulama, ug Muslim elders.
Tumong sa workshop, nga mapalambo ang kahibalo sa malinawon nga pagresolba sa panagbangi, pagpalig-on sa relasyon tali sa kapulisan ug komunidad, ug pagmintinar sa kalinaw ug kahapsay sa Lanao del Norte.
