Nangayo og tabang ang pamilya sa biktima nga si Dominga Fernandez human kini madisgrasya sa iyang sakyanan dihang aksidenteng natangtang ang ligid sa sidecar sa sakyanan nga nagkarga og kopras, sa Barangay Del Pilar, San Isidro, Surigao del Norte.
Apan imbes nga tabangan, adunay nilabay nga motor rider nga nihunong apan gikuha man hinuon ang usa ka sako sa kopras ug gikarga sa motorsiklo.
Sa pakigsusi nakuhaan sa hulagway ang suspek sa CCTV footage ug gipangayo sa pamilya ang tabang sa publiko sa pag-ila sa tawo nga ilang gikatahapang nalambigit sa insidente. Nasuta nga ang motorsiklo adunay plaka nga 336 EQM.
Sa pagkakaron giimbestigahan na sa kapulisan ang maong panghitabo.
