Naghimo og usa ka makahuluganon ug talagsaong obra ang Caraganon artist nga si Alan Esclamado isip pasidungog sa mitaliwang si Rene Baterbonia, nga ipadayag atol sa paghinumdom sa iyang ika-40 ka adlaw karong Hulyo 18, 2026.
Labi nga nakapadani ang maong obra tungod kay daghang higala, pamilya, ug mga supporter ni Baterbonia ang boluntaryong midonar sa ilang mga buhok sa kilay aron magamit sa paghimo sa realistic kilay niini.
Sumala sa artist, ang paggamit sa tinuod nga buhok sa kilay usa ka paagi aron mas mahimong buhi ang maong obra, samtang nagsimbolo usab kini sa gugma, pagrespeto, ug panaghiusa sa mga tawo nga nahigugma kang Baterbonia.
Nahuman ang maong obra kagahapong adlawa, Hulyo 17, 2026 ug gihatud sa pamilya Baterbonia sa wala pa ang ika 40 ka adlaw niini.
Photo courtesy: Alan Esclamado
