Nasikop sa drug buy-bust operation ang usa ka lalaki kinsa nalista nga Street level individual sa drugs watchlist niadtong milabayng adlaw sa Purok 2, Barangay Langatian, lungsod sa Roxas, Zamboanga del Norte.
Giila ang dinakpan nga si alyas Rome, 34-anyos, ug residente sa nasangpit nga barangay. Nasakmit gikan sa dinakpan ang 1 ka pakete sa shabu nga nagsilbing buy-bust item ug ang 1000 peso bill nga buy-bust money.
Dugang nasakmit gikan sa iyang posisyon ang lima ka mga pakete sa shabu ug uban pang mga non-drug items. Motimbang sa 1.2 grams ang nasakmit nga druga nga nagkantidad ug Php8, 160.00.
Balhog sa selda sa Roxas MPS ang dinakpan samtang ang mga nakumpiska nga ebidensya giturnover ngadto sa Zamboanga del norte Provincial Forensic Unit alang sa eksaminasyon.
Photo Courtesy: Roxas MPS
