Nasikop sa hiniusang operasyon sa kapulisan ug Philippine Drug Enforcement Agency (PDEA) ang usa ka High-Value Target (HVT) atol sa malampusong buy-bust operation nga gipahigayon sa Barangay Saca, Carrascal niadtong gabii sa Hulyo 11, 2026.
Ang operasyon gipangulohan sa Carrascal Municipal Police Station ubos sa pagpangulo ni PMAJ Elmar R. Claret, Acting Chief of Police, sa pakigtambayayong sa PDEA ROXIII Surigao del Sur Field Office.
Ang nadakpan usa ka 38-anyos nga lalaki ug residente sa Tandag City, kansang ngalan wala gipadayag sa kapulisan.
Narekober gikan sa suspek ang lima ka plastik nga sachet nga adunay gituohang shabu nga adunay gibana-banang gibug-aton nga 1.00 ka gramo ug gibanabanaang kantidad nga ₱6,800, lakip usab ang ₱1,000 nga marked money nga gigamit sa operasyon.
Sa pagkakaron, anaa na sa kustodiya sa Carrascal Municipal Police Station ang suspek ug ang mga narekober nga ebidensya, samtang giandam na ang pagsaka sa kasong paglapas sa Republic Act 9165 o ang Comprehensive Dangerous Drugs Act of 2002.
Photo courtesy: Carrascal MPS
