Nipahimangno si Toledo City-CDRRMO Head Engr. Alexander Dennis Abella sa mga estudyante nga magsul-ob og face mask sa pagsugod pag-usab sa klase kagahapon Hulyo 13 aron makunhuran ang pagkalanghap sa abo gikan sa Bulkan Kanlaon.
Girekomendar usab niya nga mogamit og limpyo nga panyo o panapton isip puli kung walay magamit nga face mask aron adunay panalipod batok sa ashfall.
Gipasabot ni Abella nga ang pagbasa sa panapton nga tabon makatabang sa pagsangkap sa abog ug abo aron dili kini dali makasulod sa mga balay og classroom.
Giawhag usab ang mga ginikanan ug mga eskwelahan nga suportahan ang maong mga lakang aron mapanalipdan ang panglawas sa mga estudyante og mga magtutudlo.
Gipahinumdoman sa City Disaster Risk Reduction and Management Office ang publiko nga magpadayon sa pagsunod sa mga rekomendasyon sa mga otoridad samtang nagpadayon ang hulga sa ashfall sa pipila ka mga lugar.
Photo courtesy: sunstar
