Andam na ang Lokal nga Panggamhanan sa Nabunturan alang sa pagsaulog sa ika-69 Araw ng Nabunturan pinaagi sa nagkadaiyang kalihokan nga pagatambongan sa mga residente ug mga bisita.
Gilauman nga magpakita ang maong selebrasyon sa kultura, kalampusan, ug panaghiusa sa katawhan pinaagi sa lainlaing programa ug mga pasundayag.
Matud ni Municipal Information Officer Prosperity M. Juab, usa lamang ka adlaw ang selebrasyon karong tuiga ug gipasimple ang programa aron mahimong mas organisado apan makalingaw gihapon para sa tanan.
Gi-awhag usab ni Juab ang tanang lumulupyo sa Nabunturan nga motambong sa maong selebrasyon aron ipakita ang panaghiusa ug suporta sa padayong kalamboan sa lungsod, subay sa tema sa Araw ng Nabunturan karong tuiga.
