Gipahigayon ang usa ka welcome command visit ni Major General Ronald Jess S. Alcudia, Commander sa Reserve Command, Philippine Army (RESCOM, PA), sa 1103rd Community Defense Center, 11th Regional Community Defense Group (11RCDG), RESCOM, PA sa Purok 5, Barangay sta. Maria, Nabunturan, Davao de Oro Hulyo 9, 2026.
Atol sa iyang pagbisita, gipasiugda ni MGen. Alcudia ang dakong papel sa Reserve Officers’ Training Corps (ROTC) sa paghulma sa disiplina, liderato ug pagkamakabayan sa kabatan-onan.
Sumala pa niya nga ang ROTC adunay dakong kontribusyon sa pag-andam sa mga batan-on nga mahimong responsableng lider ug kasaligan nga katuwang sa nasud sa panahon sa kalinaw ug kalamidad.
Gilauman nga ang maong command visit makapalig-on pa sa koordinasyon tali sa Reserve Command ug sa mga yunit sa Davao de Oro, lakip ang padayon nga pagpalambo sa mga programa alang sa reservists ug ROTC.
