Gikompirmar sa kapulisan sa Compostela Davao De Oro ang nahitabong pagpanigbas ug pagpatay sa usa ka senior citizen nga babaye sa Purok 11, Barangay San Miguel, Lungsod sa Compostela, Davao de Oro JULY 5, 2026.
Sumala kang PLTCOL Jun Vic N. Nasayao, Acting Chief of Police sa Compostela Municipal Police Station, ang giingong suspek sa krimen mao ra mismo ang bana sa biktima.
Base sa inisyal nga imbestigasyon, dugay nang adunay dili maayong pagsinabtanay ang magtiayon nga gituohang misangpot sa madugong insidente diin gigamit ang sundang sa pagpanigbas sa biktima.
Gumikan niini, giawhag si PLTCOL Nasayao sa publiko nga kon adunay dili pagsinabtanay sulod sa pamilya, mas maayong istoryahan kini sa malinawon ug husto nga paagi aron malikayan ang susamang trahedya.
Photo Courtesy: istock
