Giklaro ni Iligan City Traffic and Parking Management Office (CTPMO) Head Ralph Oblenda nga walay lugar ang pangotong sa iyang termino. Kini ang iyang giluwatang pamahayag human kining nahinabi sa Juander Radyo Iligan news team sa iyang opisina.
Dugang pa ni Oblenda, nalipay usab kini sa positibong kausaban sa mga traffic enforcers karon nga bisan gamay ang sweldo, kinahanglan nga buhaton ang trabaho nga adunay integridad ug dedikasyon, ug dili angay mosulod sa serbisyo ubanan sa pangilad o mangotong.
Sa laing bahin, gusto niini nga mapadayon ang limpyo ug matinud-anong serbisyo sa ICTPMO. Sa kataposan, gidugang ni Oblenda nga bisan adunay operator nga mitanyag kaniya og liboan ka pesos, wala niya kini dawata tungod kay supak kini sa iyang prinsipyo ug sa husto nga pagpanarbaho.
Photo Courtesy: ICTPMO
