Gipahimangnoan ang Bureau of Fire protection (BFP) – Iligan ngadto sa publiko nga kinahanglan adunay hotline numbers ang matag-usa sa ilang ahensya para makatawag gilayon sa mga panghitabo nga kinahanglan ang ilang presensya.
Nunot niini, giawhag usab ang tanan nga sa panahon nga adunay sunog, dili unahon ang pag-live kundi unahon ang pagtawag sa ilang numero para marespondehan ug mahatagan og aksyon sa dili madugay.
Gipasabot ni SF04 RICHARD CARTIL, Chief of Operation BFP-Iligan nga ang ilang ahensya usa ka information base agency diin nagpasabot nga kung wala silay madawat nga tawag gikan sa mga katawhan kalabot sunog, dili sila makaresponde gawas nalang kung visible ang panghitabo.
