Nakadawat ang Philippine Statistics Authority–Provincial Statistical Office (PSA-PSO) Davao del Norte ug Outstanding Partner Agency/Institution Award alang sa CY 2025–2026 atol sa pagsaulog sa ika-59 nga Founding Anniversary sa Probinsya sa Davao del Norte nga gipahigayon niadtong Hulyo 2, 2026 sa Davao del Norte Sports and Tourism Complex Gymnasium sa Tagum City.
Gidawat ni Chief Statistical Specialist Jessie A. Madulin ang maong pasidungog isip pag-ila sa dakong kontribusyon sa PSA-PSO Davao del Norte sa kalamboan sa probinsya pinaagi sa lig-on nga panagtambayayong, teknikal nga kahanas, capacity-building initiatives, ug padayon nga paghatag og dekalidad nga statistical ug civil registration services.
Sumala sa PSA-PSO Davao del Norte, ang maong pag-ila nagpamatuod sa ilang pasalig sa paghatag og tukmang oras, ug may kalabutan nga estatistika aron masuportahan ang evidence-based governance ug malungtarong kalamboan sa lalawigan.
Nagpasalamat usab ang opisina sa Probinsyal nga Panggamhanan sa Davao del Norte ubos sa liderato ni Gobernador Edwin I. Jubahib alang sa maong pasidungog, ug mipasalig nga ipadayon ang pagpalig-on sa panag-uban sa mga partner agencies alang sa mas episyenteng serbisyo publiko.
Photo Courtesy: PSA Region XI Davao del Norte
