Gilusad ang KKDK (Katatagan, Kalusugan at Damayan ng Komunidad) alang sa mga Persons Deprived of Liberty (PDL) sa Surigao City Jail isip kabahin sa padayon nga programa sa Bureau of Jail Management and Penology (BJMP) nga nagtumong sa paghatag og moral, espiritwal ug positibong giya ngadto sa mga piniriso.
Pinaagi niini nga kalihokan, gidasig ang mga PDL nga magpadayon sa pagbag-o sa ilang kinabuhi pinaagi sa pagpalig-on sa pagtuo, maayong pamatasan, ug pag-angkon og bag-ong paglaum samtang nag-atubang sa ilang rehabilitasyon sulod sa pasilidad.
Sumala sa BJMP, ang maong programa kabahin sa ilang misyon sa pag-andam sa mga PDL alang sa ilang hapsay nga pagbalik sa komunidad isip responsable, matinumanon ug produktibong mga indibidwal pinaagi sa komprehensibong moral ug espiritwal nga pagbag-o.
