Kompleto matod pa sa mga benepisyo ang mga personahe sa City Traffic kini ang gipamahayag ni Iligan City Traffic Parking and Management Office (ICTPMO) Head Ralph Oblenda atol sa paghinabi sa Juander Radyo Iligan news team.
Sumala pa, kompleto ang mga personahe sa SSS, PhilHealth, Pag-IBIG ug uban pang mga benepisyo nga gihatag sa lokal nga kagamhanan.
Dugang ni Oblenda, nga gisiguro sa ICTPMO nga adunay igo ug angay nga kagamitan ang ilang mga personahe, ilabina sa panahon sa ting-ulan.
Lakip niini, ang raincoat ug uban pang protective gear aron mapanalipdan sila samtang nagtuman sa ilang katungdanan bisan pa sa dili maayong kahimtang sa panahon.
Sa kataposan, andam kanunay ang ilang opisina sa paghatag sa maong mga kagamitan, ug gipahinumdoman usab ang tanang traffic personnel nga dad-on kini matag duty.
