Diritso nang maisyuhan og citation ticket ang mga indibidwal nga madakpan nga nakalapas sa ordinansa batok sa littering ug dili na sila hatagan og warning.
Kini ang gipadayag ni Maria Estella Bramida, Ecology Officer sa Iligan City Environment and Natural Resources Office (ICENRO), atol sa pakighinabi sa Juander Radyo News Team.
Matod ni Bramida, ang mga makalapas adunay kapilian sa silot nga gitugotan ubos sa ordinansa, lakip ang pagbayad og multa, pagserbisyo sa komunidad, o pagkabilanggo, depende sa ipatuman sa balaod.
Alang sa unang paglapas, ang silot mao ang ₱5,000 nga multa ug 10 oras nga community service. Sa ikaduhang paglapas, magpabiling ₱5,000 ang multa, apan madugangan ngadto sa 20 oras nga community service ang ipahamtang subay sa ordinansa.
