Gikasubo sa mga fans nga si Emma Raducanu sa United Kingdom dili na makadula sa Wimbledon karong tuiga human gikumpirma nga aduna siyay stress fracture sa ubos nga bahin sa iyang tuong batiis.
Ang 23-anyos nga magdudula, nga gikatakda untang makatigi kang Antonia Ruzic sa Croatia sa unang round, ang seeded 30 sa torneyo.
Matod pa ni Raducanu, gihimo niya ang tanan aron makasugod unta sa pagdula apan misamot ang iyang gihambin nga “niggle” o gamayng sakit human sa iyang ulahing medical scan.
Gitambagan siya sa mga doktor nga dili na ipadayon ang pagdula aron malikayan ang mas grabe pa nga kadaot sa iyang lawas.
Si Raducanu, nga giila nga British number one ug kampeon sa US Open niadtong 2021, gilauman nga mopahulay ug magpaalim una sa dili pa mobalik sa kompetisyon.
Photo courtesy: Tennis now
