Pormal na nga ginbuksan ang Kalimudan Festival 2026 sa pagpanguna ni Sultan Kudarat Governor Datu Pax Ali S. Mangudadatu, kaupod ang nagkalain-lain nga opisyal kag mga bisita nga nagtambong sa nasambit nga selebrasyon.
Kabahin sang pagselebrar ang makulay nga pyromusical display nga nagpasiga kag naghatag sang matahom nga talan-awon sa kalangitan sa atubang sang Kapitolyo.
Madamo nga tawo ang nagtambong kag nagpakigbahin sa nasambit nga selebrasyon nga nagpakita sang paghiusa kag pagpasigarbo sang mga Sultan Kudarateño.
Ang Kalimudan Festival isa ka selebrasyon sang manggaranon nga kultura, paghiusa kag pagpasigarbo sang pagkatawo bilang mga Sultan Kudarateño.
Photo courtesy: Gov. Datu Pax Ali S. Mangudadatu










