Nakakustodiya na sa kapulisan ang usa ka 54-anyos nga collector human masikop pinaagi sa warrant of arrest tungod sa kasong Grave Coercion sa Barangay Granada, Bacolod City, alas-10:43 sa buntag niadtong nakalabay nga adlaw.
Giila ang dinakpan sa alyas nga “Kapid,” minyo ug residente sa Barangay Cabug sa maong siyudad. Gipahigayon sa mga personahe sa Police Station 5 ubos sa pagpangulo ni PCPT Joy Melvin C. Dulce ang operasyon.
Ang warrant giisyu sa Municipal Trial Court in Cities (MTCC) sa Bacolod City niadtong Nobyembre 16, 2026, tungod sa giingong paglapas sa Article 286 sa Revised Penal Code o Grave Coercion, nga gi-amendahan sa Republic Act 10951.
Girekomendar sa korte ang P36,000 nga piyansa alang sa temporaryong kagawasan sa akusado. Gipabilin siya sa kustodiya sa Police Station 5 alang sa dokumentasyon ug sunod nga legal nga proseso.
Photo courtesy: PNP PIO BCPO










