Nakadaug isip Best Asian Contents ang seryeng The Silent Noise sa 2026 Global OTT Awards sa Busan, South Korea, diin nominado usab si Angelica Panganiban alang sa Best Lead Actress.
Pinaagi sa iyang Instagram post, gipasalamatan sa aktres ang ABS-CBN Studios, ang production team, iyang mga kauban sa cast, ug direktor nga si Onat Diaz alang sa ilang paningkamot sa maong proyekto.
Gipasiugda usab ni Panganiban nga ang maong kadaugan dili lamang alang sa ilang grupo kondili alang usab sa tanang Pilipino.
Ang The Silent Noise nga gipasalida sa Prime Video niadtong Marso 20, nagsaysay sa istorya sa usa ka batan-ong bungol.
Photo courtesy to: Prime video/ PEP.ph
