Ipatuman sa Iligan CityTraffic Parking and Management Office, ang paggamit og database system aron mas sayon ug paspas matrace ang mga motorista nga balik-balik nga madakpan tungod sa paglapas sa trapiko.
Kini ang gipamahayag ni Ralph Oblenda, hepe sa Iligan City Traffic Parking and Management Office atol sa interview sa Junader Radyo Iligan news team kagahapong adlawa Hunyo 29, 2026.
Matod niya, mas episyente ang usa ka click nga sistema kay makita dayon kung pila na ka higayon nadakpan ang usa ka motorista, kumpara sa papel nga dokumento nga dugay pang pangitaon.
Makatabang usab kini sa mas paspas nga pagproseso sa mga kaso ug mas dali mahibal-an ang rekord sa mga kanunay nga violators.
