Nadakpan ang usa ka 18-anyos nga lalaki atol sa buy-bust operation nga gipahigayon sa mga kapulisan sa Cantilan Municipal Police Station (MPS) isip kabahin sa padayon nga kampanya batok sa ilegal nga droga.
Nahitabo ang operasyon mga alas 7:44 sa gabii niadtong Hunyo 28, 2026, daplin sa dalan sa Purok 6A, Barangay Linintian, Cantilan, Surigao del Sur.
Ang operasyon gipangulohan sa Cantilan MPS ubos sa pagpangulo ni Officer-in-Charge PCPT Jovie C. Alngog, uban sa koordinasyon sa Philippine Drug Enforcement Agency (PDEA) Surigao del Sur.
Ang nadakpan giila lamang sa alyas “Bolosoy,” 18 anyos, ulitawo, walay trabaho ug residente sa Purok 5, Barangay Linintian, Cantilan.
Narekober gikan sa suspetsado ang duha ka heat-sealed transparent plastic sachets nga adunay gidudahang shabu nga adunay gibanabanang kantidad sa merkado nga ₱6,120.00.
Ang tanang nakompiskar nga ebidensya husto nga gimarkahan ug gi-inventory, ug anaa karon sa kustodiya sa Cantilan MPS alang sa dokumentasyon ug dugang nga imbestigasyon.
Giandam na usab ang kasong kriminal batok sa suspetsado tungod sa giingong paglapas sa Republic Act No. 9165 o ang Comprehensive Dangerous Drugs Act of 2002, nga ipasaka sa tukmang hukmanan.
Photo courtesy: Cantilan MPS
