Gitigbas sa anak ang iyang inahan og gisulayan pagsunog ang lawas niini nga nahitabo sa poblacion sa Montevista , Davao De Oro niadtong nakalabay nga adlaw.
Atol sa pagpakigsusi sa Juander Radyo News Team ug pagkighinabi sa Provincail Director sa Kapulisan sa nasampit nga probinsya nga si PCOL CESARIO D DUKILING JR nga nipahigayon dayon sila ug operation sa maong insidente. Sumala kang PMAJ DEXTER JAMES S. MELICOR, Chief of Police, sa maong lungsod adunay naunang panaglalis tali sa inahan ug anak sa mga adlaw sa wala pa ang krimen.
Sa imbestigasyon sa kapulisan, adunay nakitang gidudahang dahon sa marijuana sa palibot sa balay sa suspek, ug posible impluwensyado kini sa maong butang, sa iyang kahimtang sa panghunahuna, bisan wala nay pormal nga kumpirmasyon tungod kay namatay usab ang suspek.
Matud pa sa mga saksi, gigukod sa lalaki ang iyang inahan gamit ang sundang, gitigbas kini sa ulo ug lawas, dayon gibira ngadto sa dapit nga adunay kalayo aron sunogon. Bisan pa sa paningkamot sa mga silingan nga pugngan siya pinaagi sa paglabay og bato ug uban pang butang, wala kini mapahunong.
Pag-abot sa mga polis, ilang gisulayan pagluwas ang biktima ug pagsurenderon ang suspek. Apan misukol kini ug misukol pa sa mga otoridad gamit ang iyang hinagiban. Tungod sa hulga sa ilang kinabuhi, napugos ang mga pulis sa pagpusil sa suspetsado aron mapugngan kini.
Ang suspek gidala pa sa ospital apan gideklarar nga dead on arrival. Ang inahan usab namatay tungod sa grabeng mga samad nga iyang naangkon.
