Pormal na nga gipaila-ila sa publiko ang dose ka mga kandidata sa 61st Miss Cagayan De Oro, adlawng sabado, Hunyo 20. Ang seremonya, gipangunahan ni City Councilor Gilda Go kinsa chairman sab sa Miss Cagayan De Oro Organization. Katambayayong ang City Tourism and Cultural Affairs Office.
Iyahay sa pagpa-ila sa ilahang mga kaugalingon ang mga maanyag nga kandidata lakip na sa ilahang pagpadayag sa tumong ug adbokasiya nga ilahang iduso dungan sa pagsalmot sa Miss Cagayan de Oro Pageant.
Gitakda sab karong Agosto 22 ang preliminary competition kung asa ipahigayon ang swimsuit ug evening gown competition.
Ang Miss Cagayan de Oro, kabahin sa mga kalihukan sa umaabot nga Higalaay Festival 2026, dungan sa kapistahan sa syudad.
Photo courtesy: Cagayan de Oro City Information Office
