Padayon ang search and rescue operation sa Philippine National Police ug sa mga volunteer groups alang kang Alkarj Zamayla nga gitaho nga nawala sa Mount Kalatungan sa Bukidnon sukad pa kaniadtong June 12 ning tuiga.
Sumala ni PMaj Joan Navarro, tigpamaba sa PRO10 nga naglisod ang mga rescuers sa ilang operasyon tungod sa dili maayong kahimtang sa panahon, kakulang sa signal sa lugar, ug sa mabukiron ug lisod nga terrain sa palibot sa Mt. Kalatungan.
Bisan pa niini, nagpadayon ug wala mawad-i og paglaom ang mga volunteer rescuers ug search and rescue teams sa pagpangita sa missing person.
Gigamit sa operasyon ang mga K9 dogs gikan sa Armed Forces of the Philippines ug mga drone aron mas mapadali ug mapalapdan ang pag-susi sa lugar diin posibleng makita si Zamayla.
Photo courtesy: Bukidnon Provincial Police Office
