Nipadangat og tabang ang kagamhanan sa probinsiya sa Sugbo ngadto sa Probinsiya sa Sarangani nga nibiyahe na kagahapong adlawa, Hunyo 12 nga gilangkuban sa duha ka wing van trucks.
Ang maong tabang gitagana alang sa mga residente nga naapektuhan sa magnitude 7.8 nga linog nga miigo sa Mindanao sayo ning semanaha.
Gilangkuban sa 500 ka family food packs, 500 ka bottled water, 500 ka mga hygiene kits, 500 nga sleeping kits, ug 432 ka kahon sa mga pack meals ang gipadala nga tabang.
Gawas sa mga relief goods, segon si Gobernadora Pamela Baricuatro nga ang kagamhanan sa Probinsya mohatag usab og P10 milyon nga cash assistance ngadto sa General Santos City, nga nakasinati og dakong kadaot tungod sa kusog nga linog. Ang ubang lokal nga kagamhanan nga naapektuhan sa maong kalamidad makadawat usab og pinansyal nga tabang.
Sa sayo pa, ang mga kawani sa Provincial Disaster Risk Reduction and Management Office (PDRRMO), nga gipangulohan ni retired Col. Dennis Pastor, nakaabot na sa General Santos City ug Sarangani Province aron sugdan ang relief operations sa mga apektadong lugar.
Ang water truck nga gipadala sa nagserbisyo na karon sa mga apektadong komunidad samtang nag-atubang ang mga residente sa kakulang sa tubig human sa linog.
Photo courtesy: Cebu Province
