Opisyal nga gipahigayon sa Surigao del Sur Police Provincial Office (SDSPPO) ang seremonya sa paglingkod sa bag-ong Officer-in-Charge sa Barobo Municipal Police Station (MPS) atol sa Assumption of Office Ceremony nga gihimo gahapong adlawa, Hunyo 12, 2026.
Gipangulohan ni Provincial Director PCOL Jeffrey Lawrence D. Mauricio ang maong kalihukan diin opisyal niyang gipalingkod si PMAJ Andrew G. Lupian isip bag-ong Officer-in-Charge sa Barobo MPS.
Kabahin sa seremonya ang simbolikong turnover sa opisina, mga kabtangan, ug inventory book nga gipangunahan usab ni PCOL Mauricio. Sa iyang mensahe, iyang gihagit ang bag-ong hepe sa kapulisan nga ipadayon ang taas nga lebel sa propesyonalismo ug palig-onon pa ang mga estratehiya sa community-focused policing aron mas mapalambo ang serbisyo sa katawhan sa lungsod.
Mitambong usab sa maong okasyon si Barobo Municipal Mayor Ronito L. Martizano, kinsa mipadayag sa iyang padayon nga suporta sa lokal nga kapulisan ug sa bag-ong liderato niini.
Photo courtesy: SDSPPO
