Gilusad ang Simultaneous Greyhound Operation sa BJMP Surigao del Norte Jail Annex sa Dapa, Siargao. Gikasa sa Coast Guard Station Siargao, lakip ang CG-K9 -Siargao ug Coast Guard Dapa.
Tumong sa operasyon ang paglusad og hugot nga inspeksyon ug pagpalig-on sa security monitoring sulod sa pasilidad aron masuta ug mapugngan ang pagsulod sa mga kontrabando ug uban pang gidili nga mga butang.
Ang kalihukan kabahin sa padayon nga pagpaningkamot sa nagkalainlaing ahensya aron mapadayon ang kalinaw, kahapsay ug disiplina sulod sa pasilidad sa prisohan pinaagi sa lig-on nga koordinasyon ug kooperasyon.
Gibutyag usab nga ang operasyon nagpakita sa dedikasyon sa Coast Guard Station ug sa mga kaabag nga ahensya sa pagsuporta sa mga programa sa pagpatuman sa balaod, pagpalambo sa kaluwasan sa publiko ug pagsiguro sa seguridad sa mga correctional facilities sa ilang nasakupan.
