Nadakpan ang usa ka High Value Individual (HVI) sa implementasyon sa search warrant, nga gipahigayon sa Drug Enforcement Unit sa Kidapawan City Police Station uban sa PDEA-12 ug ubang mga yunit sa kapulisan sa Purok Chico, Mariano Cuenco Street, Barangay Poblacion, Kidapawan City, niadtong Hunyo 10, 2026.
Giila ang dinakpan nga alyas Makmak, 38-anyos, minyo, nagtrabaho isip butcher ug residente usab sa maong lugar.
Atol sa operasyon, narekober gikan sa iyang posisyon ang usa ka gamay nga heat-sealed transparent plastic sachet nga adunay sa gituohang shabu.
Gihimo ang operasyon pinaagi sa Search Warrant, alang sa kasong paglapas sa Section 11, Article II sa Republic Act 9165 o Comprehensive Dangerous Drugs Act of 2002.
Sa karon, anaa na sa kustodiya sa Kidapawan City PNP ang dinakpan, alang sa hustong disposisyon.
