Gisulod ug gikawatan sa wala pa mailhi nga indibidwal ang usa ka boarding house didto sa Mabini, Brgy. South Ormoc City, pasado alas 2 ang takna sa kaadlawon, Hunyo 10, 2026.
Sumala pa sa uban nga nag-abang sa maong establisyemento, nabantayan nila nga adunay taw nga misulod ug gipalong ang mga suga, apan wala lamang nila panumbalinga tungod kay nagtoo sila nga usa lamang kini sa ilang mga boardmate.
Sumala pa usab sa biktima nga giilang si alyas “Lyn” hingkod ang pangidaron ug kasamtangang nag abang sa naasoy nga lugar, dako nalamang iyang kahibulong sa dihang pag-naog niya pagkabuntag, kaha nalang ang nahabilin ug wala na ang ilang gasolette lakip na ang burner niini nga maoy ilang gamit aron makatipid sa ilang pangunsomo gumikan na usab sa mahal nga mga palaliton.
Atol sa maong pag-pangawat, nahabilin ang usa ka pares sa tsinelas nga pang babaye nga gitoohang gipanag-iyahan sa suspek nga daw gipuli sa usa ka pares sa tsinelas nga panglalaki nga lakip usab sa nawagtang.
Gipa blotter na ang maong panghitabo ngadto sa Brgy. South, apan, pakyas ang biktima nga makuha ang CCTV footage palibot sa lugar tungod kay matod pa sa Brgy. wala kini mogana ug kinahanglan pang ayuhon.
