Dakpan ang usa ka indibidwal atol sa gipatumang buy-bust operation sa mga personahe sa Mati City Police Station kauban ang lain pang mga operatiba didto sa Barangay Matiao, Mati City, Davao Oriental pasado alas 2:05 sa kaadlawon niadtong Hunyo 7, 2026.
Ang dinakpan naila nga si alyas “Christian,” 26-anyos ug narekober gikan sa iyang posisyon ang duha ka sachet sa gituohang shabu, lakip ang buy-bust money ug uban pang mga gamit.
Ang maong operasyon gipatuman uban sa koordinasyon sa Provincial Intelligence Unit (PIU) DOPPO ug sa PDEA Davao Oriental. Samtang ang mga nakumpiskang illegal nga droga gibana banaang adunay standard drug price nga Php3,400.00.
Sa pagkakarun ang suspetsado mag atubang sa kasong paglapas sa Republic Act 9165 kun Comprehensive Dangerous Drugs Act of 2002 ug gikustodiya na sa kapulisan alang sa tukmang disposisyon.
Photo Courtesy: Mati CPS
