Nadakpan sa kapulisan ang usa ka lalaki nga Job Order employee, sa Provincial Engineering Office Zamboanga del Norte, sa gipahigayong drug buy-bust operation sa Barangay Galas, Dipolog City kaniadtong Hunyo 4, 2025. Giila ang suspetsado nga si alyas Mike, 40-anyos, ug residente sa Victoria Hills, Barangay Poblacion North Polanco, Zamboanga del Norte.
Nakuha gikan sa suspetsado ang usa ka gamay nga pakete sa shabu nga nagsilbing buy-bust item ug ang 500 peso bill ng buy bust money. Dugang nasakmit gikan sa iyang posisyon ug control ang 1 ka gagmay ug 1 ka dakong pakete sa shabu ug ubang mga non-drug items. Motimbang sa 7 ka gramo ang kinatibuk-ang narecover nga druga nga nagkantidad ug Php47,600.00.
Kahibaloan, nga ang suspetsado kanhi na na-priso tungod gihapon sa pagpamaligya ug iligal nga droga. Gilusad ang maong operasyon pinaagi sa mga sakop sa Dipolog PNP sa pagpangulo ni PLTCol. Khisna Asaali, Chief of Police hinungdan sa malampusong pagkasikop niini.
Sa pagkakaron, Tingkagol sa selda sa Dipolog CPS alang sa tukmang disposisyon ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Dipolog CPS
