Naghatag og dugang suporta alang sa industriya sa kahayupan ang Department of Agriculture (DA) Region 9 pinaagi sa pagturn-over sa lima ka Animal Transport Vehicle ug duha ka Mobile Veterinary Clinic nga nagkantidad og ₱23 milyon ubos sa National Livestock Program.
Lima ka kooperatiba ug asosasyon sa Zamboanga Peninsula maoy nakadawat sa Animal Transport Vehicles pinaagi sa INSPIRE Program o Integrated National Swine Productivity Initiatives for Recovery and Expansion.
Sumala sa DA-9, ang maong mga sakyanan makatabang sa luwas ug episyenteng pagbiyahe sa mga kahayupan samtang gipatuman ang biosecurity measures aron malikayan ang pagkatap sa sakit.
Samtang, ang Provincial Veterinary Offices sa Zamboanga del Sur ug Zamboanga del Norte nakadawat usab og Mobile Veterinary Clinics nga magamit sa paghatod sa beterinaryong serbisyo ngadto sa mga komunidad ug mag-uuma sa probinsya.
Gilauman nga pinaagi niini, mas mapalig-on pa ang produksyon sa kahayupan ug mas madugangan ang kita sa mga mag-uuma sa rehiyon.
Photo Courtesy : DA REGION 9
