Namahayag ang Hepe sa Curriculum and Learning Management Division, sa department of Education Region VII, Maurita F. Ponce nga padayon nga naningkamot karon ang DepEd aron nga makaapas sa nahitabong kalangay sa pagkat-on sa mga bata tungod sa epekto sa Covid-19 pandemic.
Ilalom sa Learning Recovery Program (LRP) sa DepEd, gilaraw nga kani ang makasolbad sa dako nga krisis sa edukasyon.
Gipasabot ni Ponce nga ang lahi nga paagi sa pagtudlo sa panahon sa COVID-19 nagdala og dakong kakuwang sa nakat-onan sa mga bata pinaagi sa modular o online learning.
Nasuta usab nga daghang mga estudyante ang naglisod gihapon sa pagbasa, pagsabot, ug pag-ihap.
Dugang ni Ponce nga naninguha karon ang DepEd nga maibanan ang learning gaps sa mga magtutungha og mapasabot ang mga leksyon nga wala masabti sa mga bata.
Photo courtesy: Philippine News Agency
