Personal nga nahinabi sa Juander Radyo Mati Team si Police Staff Sargent Richel F Tanjay, Police Community Relation PNCO sa San Isidro Municipal Police Station, bag-ogay pa lamang ug gipasigarbo niini ang mga accomplishment sa ilang estasyonan.
Atol sa pagbisita, iyang gibutyag nga sulod lamang karung bulan sa Mayo mokabat sa 192 ka mga kalampusan ang ilang napatuman pinaagi sa municipal ordinances sa lokal nga panggamhanan sa San Isidro nga gilangkuban sa pagkakumpiska sa Bora Bora nga tambutso ug Anti- Smoking.
Dugang pa niya nga mokabat sa 4 ka anti-illegal drug operation ang ilang napatuman karung bulana nga nagresulta usab sa pagkasikop sa 4 ka drug suspek. Gani, upat usab ka mga wanted persons ang nadakpan pinaagi sa pagpaningkamot sa kapulisan ug sa suporta sa lokal nga panggamhanan.
Samtang nagpatuman usab sila ug anti-illegal gambling operation ingon man seaborne patrol operation nga miresulta sa pagkasikop sa usa ka indibidwal.
Sa kinatibuk-an gipadayag ni PSSG Tanjay nga nagpabiling generally peaceful ang munisipyo sa San Isidro pinaagi na sa pagpaningkamot sa mga otoridad kauban ang komunidad.
