Gipalig-on sa kapulisan sa Mati ang implementasyon sa Curfew on Minors ug Oplan Bulabog sa dakbayan aron masiguro ang kalinaw, kahapsay, ug kaluwasan sa komunidad.
Sa maong operasyon giubanan kini sa mga personahe sa Public Safety Office sa pagpanguna ni Ret. PCOL Ruben Pequiro, diin ang mga otoridad nag-inspeksyon ug nagmonitor sa mga computer shops ug uban pang riot-prone areas.
Dungan niini, gihimo usab ang Oplan Bulabog sa mga lugar sa Sudlon Riverside ug Magapo, Barangay Central, aron malikayan ang posibleng krimen ug mapadayon ang seguridad sa publiko ilabina panahon sa kagabhion.
Kini nga inisyatiba kabahin sa padayon nga kampanya sa mga otoridad sa pagpatuman sa lokal nga ordinansa ug pagpanalipod sa kabatan-onan sa dakbayan sa Mati.
Photo Courtesy: Mati CPS
