Gipahigayon sa Digos City District Jail–Male Dormitory ang regular nga Mandatory Drug Testing isip kabahin sa padayon nga anti-illegal drug campaign sa Bureau of Jail Management and Penology.
Ang maong aktibidad gipangulohan ni JCINSP Jul Akbar L. Jamiri, District Jail Warden, niadtong Mayo 12, 2026, sa pakigtambayayong sa Philippine National Police Drug Enforcement Group XI, Philippine Drug Enforcement Agency Davao del Sur, ug Digos City Health Office.
Mipailalom sa drug testing ang 50 ka personnel ug 50 ka male Persons Deprived of Liberty (PDL) sa DCDJ-MD Multi-Purpose Gymnasium, uban sa tabang sa medical ug jail personnel aron masiguro nga hapsay ang implementasyon sa testing.
Base sa resulta, tanan nga participante nagnegatibo sa illegal drug use, nagpasabot nga walay paglapas sa drug policy sulod sa pasilidad. Gipakita sa maong aktibidad ang padayon nga pasalig sa DCDJ-MD sa pagmintinar sa usa ka luwas, limpyo, ug drug-free nga palibot sulod sa pasilidad.
