Dakpan ang usa ka drug suspect kinsa nakuhaan og druga atol sa gipahigayon nga search warrant implemantation sa kapulisan sa Brgy. Lugdungan, Dipolog City, niadtong gabie sa Mayo 17, 2026.
Giila ang dinakpan nga si alyas Boy, 34-anyos, minyo, ug residente sa nasangpit nga dapit. Gilusad sa mga personahe sa Dipolog City Police Station ang maong operasyon pinasikad sa search warrant nga gipagula ni Jose Rene Dondoyano, Executive Judge, RTC, 9TH Judicial Region, Branch 6, Dipolog City, pinetsahan ug Mayo 15, 2026.
Narecover pinaagi sa maong operasyon ang 7 ka mga gagmayng pakete sa shabu ug uban pang mga non-drug items. Motimbang sa 5 ka gramo ang narecover nga druga nga nagkantidad ug Php34,000.00.
Ang naaresto nga suspetsado gidala ngadto sa kustudiya sa Dipolog City Police Station alang sa tukmang disposisyon.
Photo Courtesy:Dipolog CPS
