Dakpan ang tulo ka indibidwal sa gipahigayong operasyon nga gihimo sa San Miguel Municipal Police Station nga miresulta sa pagkakumpiska sa liboan ka board feet nga iligal nga coco lumber kagahapong adlawa, Mayo 12, 2026, sa may alas 4:45 sa hapon.
Sumala kang Police Major Joemel Maquiling, Chief of Police, giila ang mga suspetsado nga sila si alias “Loyloy,” 48 anyos, usa ka driver gikan sa P-4, Brgy. Habag, Lanuza; alias “Mark,” 41 anyos, trabahante gikan sa P-3, Brgy. Baboyan, Carrascal; ug alias “Dodong,” 45 anyos, trabahante gikan sa P-5, Brgy. Agsam, Lanuza.
Gisugdan ang operasyon human makadawat og impormasyon gikan sa usa ka concerned citizen bahin sa giingong iligal nga pagbiyahe sa forest products. Tungod niini, gi-ambus sa kapulisan ang usa ka light blue ISUZU wing van nga adunay plakang MAT 2243.
Sa gihimong inspeksyon, nadiskubrehan nga sakay sa maong sakyanan ang gibanabanang 6,000 board feet sa “coco lumber” nga walay sakto nga dokumento o legal permit.
Anaa na karon sa kustodiya sa kapulisan ang tulo ka suspetsado ug nag-atubang sa kaso ilawom sa Republic Act No. 10593 (An Act Providing for the Regulation of the Cutting of Coconut Trees).
Photo courtesy: San Miguel Municipal Police Station
