Nadakpan sa mga kapulisan ang usa ka most wanted person sa Panabo City atol sa manhunt operation niadtong buntag sa Mayo 1, 2026.
Sumala sa report, mga alas 10:18 sa buntag, nagkahiusang naglunsad og operasyon ang mga personnel sa Panabo City Police Station (CPS), uban ang nagkalain-laing operatiba sa kapulisan sa Purok 6-B, Barangay San Francisco.
Mitumong ang operasyon sa pagdakop kang Marc Cañaveras, 23-anyos, ulitawo, ug residente sa giingong lugar.
Gidakop si Cañaveras pinaagi sa warrant of arrest nga giisyu ni Hon. Minerva Paqueo Pepino-Estremos, ang Presiding Judge sa Regional Trial Court, Branch 3, Panabo City, nga pinetsahan niadtong Marso 30, 2026.
Giatubang sa dinakpan ang duha ka kasong kriminal: usa ka kaso sa rape pinaagi sa carnal knowledge nga walay gitugot nga piyansa, ug laing kaso sa rape pinaagi sa sexual assault nga adunay gitakdang piyansa nga nagkantidad og Php 200,000.
Sa pagkakaron, anaa na sa kustodiya sa kapulisan sa Panabo ang nadakpan samtang gihulat ang hustong legal nga proseso alang sa iyang kaso.
Photo Courtesy : The Guardian
