Nasikop sa mga operatiba sa Buenavista Municipal Police Station ang usa ka Job Order-empleyado sa gobyerno atol sa drug buy-bust operation sa Barangay 8, lungsod sa Buenavista, Agusan del Norte.
Sa impormasyon gikan kang PMAJ JOEL D CABANES, Hepe sa lungsod, nibutyag nga ang suspek usa ka 64-anyos ug molupyo sa P4, Brgy. Manapa, human naaktohan nga namaligya og gidudahang shabu nga nagkantidad og Php 40,800 ngadto sa nagpailang asset nga poseur-buyer.
Narekober usab ang buy-bust money, usa ka cellphone, ug ID sa suspek ug drug paraphernalia.
Sa pagkakaron, mag-atubang sa kasong kalapasan sa Section 5 (Sale of Dangerous Drugs), Article II of Republic Act 9165, Comprehensive Dangerous Drugs Act of 2002, ang atubangon sa maong dinakpan.
