Nakahatag og kilig sa netizens, ang usa ka magtiayon human ang ilang “fake wedding” sa kindergarten nahimong tinuod nga kaminyoon paglabay sa 20 ka tuig.
Matod pa sa ilang kabataan kaniadto, giisip lamang nila kini nga dula-dula usa ka inosenteng seremonya nga gihimo sa eskwelahan. Apan kinsa man ang makadahom nga ang ilang panaghigalaay ug koneksyon magpadayon hangtod sa ilang pagkadako.
Paglabay sa mga tuig, nagkita pag-usab ang duha ug didto nagsugod ang tinuod nga istorya sa gugma. Ang ilang relasyon mitubo ug sa ulahi, sila gihapon ang nagminyo apan karon, dili na dula, kundili tinuod na nga panumpa sa gugma.
Ang ilang istorya nagpahinumdom nga usahay, ang mga butang nga nagsugod sa kataw-anan o inosenteng dula mahimong moresulta sa usa ka seryoso ug malungtarong relasyon. Usahay, ang tinuod nga gugma moabot sa pinakasimple nga paagi ug magpabilin hangtod sa kahangturan.
Photo Courtesy: Fact Pinas
