Nasuko ang usa ka birthday celebrant sa India, atol sa pagsaulog sa iyang adlaw nga natawhan human gipahiran og cake ang nawong niini nga iyang gikasuko nga miresulta sa pagpamusil.
Kasagaran, lingaw-lingaw ra ang pagpahid og cake sa nawong sa birthday celebrant. Pero sa maong insidente, wala kini madawat sa celebrant.
Sumala sa report, naglalis ang celebrant ug tulo niya ka higala human siya pahiran og cake. Tungod sa kasuko, nihawa siya sa lugar apan mibalik pag-usab dala ang armas.
Didto na nahitabo ang pagpamusil nga hinungdan sa kamatayon sa tulo ka biktima, samtang nagkagubot ang mga tawo sa lugar.
Padayon karon ang imbestigasyon sa mga otoridad ug gipangita pa ang suspect nga misibat human sa insidente.
Bisan pa og kasagarang kataw-anan ang mga birthday prank sama sa pagpahid og cake, pahimangno kini sa publiko nga dili tanang binuang parehas og reaksyon—ug usahay, ang simpleng joke mahimong mosangpot sa seryosong trahedya.
Photo courtesy: Istock
