Nasakmitan sa armas ug illegal nga druga ang usa ka 25-anyos nga lalaki atol sa gipahigayong search warrant operation sa kapulisan sa Purok 6, Brgy. Katipunan, M’lang Cotabato, kagahapong adlawa pasado alas 2:00 sa hapon. Giila ang suspek nga si Alyas Jay-ar, usa ka technician ug residente usab sa nahisgutang lugar.
Subay report sa Mlang Municipal Police Station, gipatuman ang search warrant sa pagpanguna sa Drug Enforcement Unit, sa pakigtambayayong sa ubang police units.
Atol sa operasyon, nasakmit gikan sa suspek ang usa ka kalibre .38 nga pistola nga adunay upat ka bala, ingon man walo ka sachet sa gituhoang shabu.
Sa pagkakaron mag-atubang ang dinakpan og kasong kalapasan sa Republic Act 9165 o Comprehensive Dangerous Drugs Act of 2002 ug Republic Act 10591 o Comprehensive Firearms and Ammunition Regulation Act..
Photo Courtesy: Pexel
