Na rekober sa mga otoridad ang mosumatol sa napulo ka kilo sa gituohang shabu nga mobalor sa ₱68 milyon atol sa checkpoint operation sa National Highway Barangay Buenavista sa may alas 4:00 kapin kon kulang sa hapon, Abril 28,2026.
Ang operasyon gihimo sa Provincial Highway Patrol Group Zamboanga del Sur nga gipangulohan ni Police Major Jason Ray Z. Gomera, kauban ang SOT-Molave sa pagpanguna ni Police Lieutenant Bobby L. Solis, kauban ang Pagadian City Police Station, ug ang 902nd Regional Mobile Force Battalion 9.
Sumala pa nga samtang sila nagpatuman og anti-carnapping operations sa maong dalan, ilang namatikdan ang bao-bao nga color puti nga may kalapasan sa Republic Act 4136 kon Land Transportation and Traffic Code of the Philippines hinungdan ila kining gisita.
Na-isyuhan pa ug impounding receipt ang nakasibat nga driver nga si Jomy, residente sa Esteros Street, Cotabato City adiser namatikdan ang sekretong compartment nga may sulod nga gidudahang shabu.
Ulahi na matod pa nilang namatikdan ang mga karga niini nga gituohang shabu sulod sa gihimo nga sekretong compartment sa maong sakyanan hinungdan sila nitawag sa presensya sa Philippine National Police Drug Enforcement Group (PNP-DEG) aron masuta ang kargang gidudahang shabu.
Human sa pagsuta ang mga druga gidala na sa Philippine National Police Drug Enforcement Group (PNP-DEG) alang sa saktong disposasyon.
