Giila nga labing karaan ang usa ka Lionhead nga Rabbit nga ginganlan ug Herbie sa nasud sa UK, isip “Pinakatigulang nga Buhing Koneho sa Kalibutan” human makaabot sa edad nga 15 anyos ug 82 ka adlaw.
Matod nga ang maong klasi kasagaran mabuhi lamang og 7 ngadto sa 10 ka tuig, nga kini maoy hinungdan nga nakurat ang nagbuhi niini nga sila si Richard ug Melissa Dunham sa dihang hingpit nga nadoble ni Herbie ang iyang gilauman nga kinabuhi.
Segon nga Giatiman sa magtiayon ang koneho sa dihang walo pa lang ka semana ang edad niini. Atol sa taas nga kinabuhi ni Herbie, aduna siyay tulo ka “asawa” nga gitawag ug (Flopsy, Tinks, ug Betty). Ang tanan niyang mga kauban nangamatay na.
Sumala ni Melissa, ang ilang binuhi kusgan kaayo ug medyo “bossy” nga personalidad. Ganahan siyang mogukod kang Richard isip dula, ug kanunay usab nga binkys (usa ka matang sa paglukso ug pag-flip sa hangin nga gibuhat sa mga koneho kung sila malipayon).
Bisan pa sa pagka-agresibo sa iyang pagkabatan-on, si Herbie nahimong mas malumo ug kalmado samtang siya nagkatigulang, kanunay nga molingkod tupad nila sa sopa.
Photo Courtesy: guinnessworldrecords
