Gipagawas ang Committee Report No. 099 gikan sa mga komitiba sa Games and Amusement, Ordinances and Legal Matters, ug Laws and Rules and Privileges, kabahin sa Revised Cockfighting Code sa Dakbayan sa Kidapawan.
Sumala pa ni Konsehal Bernardo Piñol, nakita sa komitiba ang panginahanglan sa pag-amendar sa kasamtangang ordinansa aron mapalig-on ang accountability, masiguro ang environmental ug zoning compliance, ug mapadako ang lokal nga kita sa gobyerno.
Lakip sa proposed amendments mao ang mas istrikto nga dokumentasyon para sa bag-ong aplikasyon ug renewal sa franchise sa pag-operate sa cockpit. Lakip usab ang pag-delete sa electronic sabong o e-sabong base sa Executive Order No. 9, Series of 2022 ug DILG Memorandum Circular No. 2023-030 nga nagpadayon sa nationwide suspension niini.
Pagausbon usab ang Section 4 pinaagi sa pagdugang sa requirements sa aplikasyon ug renewal sa operasyon aron mas siguro ang hapsay ug legal nga operasyon sa mga sabungan sa syudad.
Photo Courtesy:Nikkie Asia
