Arestado ang usa ka pinangita sa balaod atol sa gilunsad nga joint intelligence drivern operation sa mga kapulisan sa 2nd ZSPMFC, uban ang 53rdIB, Dinas MPS, Dimataling MPS, ZSPIU, ZSPIT, RIU 9 ug RID 9 sa may Purok Kamunggay, Barangay Ludiong, Dinas, Zamboanga del Sur niadtong nakalabay nga adlaw.
Ang dinakpan nag edad ug 39-anyos, mag-uuma ug residente sa maong lugar. Siya gidakop pinasikad sa gahom sa warrant of arrest gumikan sa kasong frustrated murder nga gi-isyu sa Presiding Judge sa RTC 9, Branch 29, San Miguel Zamboanga del Sur pinetsahan kaniadtong Pebrero 24, 2026.
Gitugutan sa korte ang dinakpan nga makapyansa bugti sa kantidad nga Php200,000.00 alang sa iyang temporaryong kagawasan.
Ang akusado sa karon kasamtangan nang nakakustudiya sa Dinas Municipal Police Station alang sa tukmang lakang.
Photo Courtesy: ZSPPO
