Giangkon sa City health Office Pagadian nga nagpabilin gihapon ilang kabalaka bisan sa pagkunhod sa natala nga ihap sa kaso sa dengue sa syudad sa Pagadian sa tuig 2025. Sumala sa datos sa CHO, mikunhod og labaw sa 50 porsyento ang dengue cases gikan sa 1,478 ka kaso sa 2024 ngadto sa 695 ka kaso sa 2025.
Bisan pa niini, adunay naitalang 132 ka kaso gikan Enero hangtod Abril 2026, lakip ang duha ka namatay nga kabataan, hinungdan sa pagpalig-on sa kampanya batok dengue. Gipahimangno sa City Health Office nga kasagaran maapektuhan sa dengue ang mga batang nag-eskwela, ug posible kining modaghan kung dili dayon matambalan.
Giawhag ang publiko sa pagsunod sa “5S Strategy” sa Department of Health aron malikayan ang dengue. Apil niini ang Search and destroy, Self-protection measures, Seek early consultation, Support fogging/spraying ug Sustain hydration
Gipasabot usab sa City Health Office nga responsibilidad kini sa tanan ug kinahanglan ang pagtinabangay gikan sa barangay, eskwelahan, ug komunidadaron malikayan ang kaso sa dengue.
