Malipayong gianunsyo ni Kidapawan City Mayor Atty. Jose Paolo Evangelista, nga nakakuha ang City Government og dugang pondo o grant alang sa pagpadayon sa Canopy 25.
Matod pa sa Mayor, nga gi-validate sa Climate Change Commission may kalabutan niining Canopy 25 nga inisyatibo sa City Government, aron maprotektahan ang kinaiyahan pinaagi sa pagtanom og mga punoan sa kahoy ug prutas.
Dugang pa, tungod sa limitado nga pondo sa syudad sa maong programa ug nasuta sa Climate Change Commission ang kamahinungdanon sa maong inisyatibo hinungdan nga nakakuha og dugang pondo o grant ang syudad sa kantidad nga P27.5M.
Nangayo na matod pa og resolution ang mga konsehal sa dakbayan sa pagtugot sa Mayor sa pagpirma sa financing agreement aron makuha ang maong grant.
Kahinumduman, anaa na sa 3.7M ka lain-laing punoan sa kahoy ug prutas ang natanom ilawom sa maong programa.
Photo Courtesy:Mindanao Politiko.com.ph
